Незвычайны гастранамічны фэст "Беларуская кухня" прайшоў у нашай #шостай сярод 7-9 класаў у межах тыдня беларускай мовы і літаратуры. Дзеці даведаліся, што наша нацыянальная кухня мае шматвяковую, багатую і цікавую гісторыю. Праграма мерапрыемства складалася з экскурса ў гісторыю беларускай кухні, вершаў, песень, якія таксама былі тэматычнымі. Вучням прапаноўвалася прыняць удзел у гульні «Працягні прыказку», паспрабаваць адрозніць назвы нацыянальных страў ад слоў-самазванцаў. А ў канцы свята ўсіх чакалі салодкія сюрпрызы.