19.02.2024Тыдзень беларускай мовы і літаратуры
У нашай школе пачынаецца Тыдзень беларускай мовы і літаратуры. Ён прымеркаваны да Міжнароднага дня роднай мовы, які будзе адзначацца 21 лютага. Запланаваныя мерапрыемствы будуць садзейнічаць выкарыстанню вучнямі беларускай мовы, берагчы і захоўваць яе як каштоўную спадчыну, якая засталася нам ад продкаў і якая павінна перадавацца будучаму пакаленню як крыніца нацыянальнай культуры.
На тыдні беларускай мовы і літаратуры пачаў працаваць "Інстаграм па- беларуску" У першы дзень навучэнцам настаўнікі прапанавалі пазнаёміцца з кнігамі- юбілярам 2024 года, а таксама праявіць свае творчыя здольнасці мастакоў і паўдзельнічаць у конкурсе "Вокладка любімага твора". Ацэньваць конкурсныя работы могуць усе жадаючыя, каго зацікавіў наш " Інстаграм".
